இலங்கையில் இன்று வீழ்ச்சியடைந்த தங்கத்தின் விலை

சர்வதேச சந்தையில் தங்கம் மற்றும் வெள்ளி விலைகள் இன்றைய தினம் சரிவைக் கண்டுள்ளன. இதன் தாக்கம் உள்நாட்டு சந்தையிலும் பிரதிபலித்துள்ளதாக அகில இலங்கை நகையக வியாபாரிகள் சங்கம் தெரிவித்துள்ளது.

இன்று (17) உள்நாட்டில் தங்கத்தின் விலையில் குறைவு பதிவாகியுள்ளது.

தற்போதைய விலை நிலவரப்படி,

24 கரட் தங்கம் ஒரு பவுண் ரூ. 3,90,000க்கு விற்பனை செய்யப்படுகிறது.

22 கரட் தங்கம் ஒரு பவுண் ரூ. 3,60,700 ஆக நிர்ணயிக்கப்பட்டுள்ளது.

அதேவேளை, 24 கரட் தங்கத்தின் ஒரு கிராம் ரூ. 48,750க்கும்,

22 கரட் தங்கத்தின் ஒரு கிராம் ரூ. 45,088க்கும் விற்பனை செய்யப்படுகின்றது.

சர்வதேச சந்தை மாற்றங்களின் பின்னணியில் உள்நாட்டு தங்க விலைகளிலும் மாற்றம் ஏற்பட்டுள்ளதாக வியாபாரிகள் தெரிவித்துள்ளனர்.