திருகோணமலை மாநகர சபையின் பதில் ஆணையாளராக யூ.சிவராஜா நியமனம்

திருகோணமலை மாநகர சபையின் பதில் ஆணையாளராக யூ.சிவராஜா நியமிக்கப்பட்டுள்ளார்.

இந்நியமனம் தொடர்பான அதிகாரப்பூர்வ கடிதத்தை கிழக்கு மாகாண ஆளுநர் ஜயந்தலால் ரத்னசேகர நேற்று (ஜூலை 9) அவரது கையால் வழங்கினார்.

முன்னதாக நகராட்சி மன்றமாக செயல்பட்ட திருகோணமலை, 2025 ஆம் ஆண்டு உள்ளூராட்சி தேர்தலுக்கு பின்னர் மாநகர சபை என்ற புதிய அடையாளத்தை பெற்றது. இதனைத் தொடர்ந்து, புதிய நிர்வாக கட்டமைப்பில் யூ.சிவராஜா பதில் ஆணையாளராக பொறுப்பேற்கிறார்.

தற்போது, கிழக்கு மாகாண சமூக சேவைகள் துறையில் மாகாண பணிப்பாளராகயும் சிவராஜா செயற்பட்டு வருவது குறிப்பிடத்தக்கது.