இலங்கை தேசிய கபடி அணியில் இடம் பிடித்து நிந்தவூர் அல் அஷ்ரக் மாணவர்கள் சாதனை

அக்டோபர் மாதம் பஹ்ரைன் நாட்டில் நடைபெறவுள்ள 3வது ஆசிய இளைஞர் விளையாட்டு கபடி சாம்பியன்ஷிப் (Asian Youth Games Kabaddi Championship) போட்டியில் பங்கேற்கும் இலங்கை தேசிய அணிக்கான இறுதி வீரர் தெரிவில், நிந்தவூர் அல்-அஷ்ரக் தேசிய பாடசாலை சார்ந்த மூன்று வீரர்கள் இடம்பிடித்து சிறப்பான சாதனையை பதிவு செய்துள்ளனர்.

இலங்கை அணிக்குத் தேர்வான வீரர்கள்:

• ✨ FM. நியாப் சைனி
• ✨ RM. மில்ஹான் மஹி
• ✨ SM. சம்ரி

இம் மூவரும் அகில இலங்கை அளவில் நடைபெற்ற திறன் தேர்வுகளில் தங்கள் பலத்தை நிரூபித்து, நாட்டின் தேசிய அணிக்கு நுழையத் தகுதியானவர்களாக அறிவிக்கப்பட்டுள்ளனர். இவர்கள் இலங்கையை உலக அரங்கில் பிரதிநிதித்துவப்படுத்தும் வாய்ப்பைப் பெற்றிருப்பது, பாடசாலைக்கும் சமூகத்திற்கும் மிகப்பெரிய பெருமையாக அமைந்துள்ளது.

இவ்வீரர்களின் வெற்றிக்கு ஆதரவளித்த மற்றும் அவர்களுக்கு பயிற்சி அளித்த உடற்பயிற்சி ஆசிரியர்கள் மற்றும் பயிற்சியாளர் குழுவின் பங்களிப்பு குறிப்பிடத்தக்கது.

பயிற்சியாளர் குழு:

• தலைமை பயிற்சியாளர்: S.M. இஸ்மத் (ஆசிரியர்)
• உதவி பயிற்சியாளர்: M.T. அஸ்லாம் சஜா (ஆசிரியர்)

இணைந்து உழைத்த பாடசாலையின் அதிபர், ஆசிரியர்கள் மற்றும் மாணவர்களுக்கான இந்தக் கெளரவம், நிந்தவூர் ஊருக்கே பெருமையைத் தரும் வகையில் அமைந்துள்ளது.