இலங்கை கிரிக்கெட் அணியின் வேகப்பந்து ஆலோசகராக லசித் மாலிங்க நியமனம்

இலங்கை ஆடவர் தேசிய கிரிக்கெட் அணியின் வேகப்பந்து வீச்சு ஆலோசகர் பயிற்றுவிப்பாளராக முன்னாள் நட்சத்திர வீரர் லசித் மாலிங்க நியமிக்கப்பட்டுள்ளார்.

இந்த நியமனம் தொடர்பான உத்தியோகபூர்வ அறிவிப்பை இலங்கை கிரிக்கெட் நிறுவனம் வெளியிட்டுள்ளது. அதன்படி மாலிங்கவின் சேவைக்காலம் டிசம்பர் 15 முதல் 2026 ஜனவரி 25 வரை குறுகிய கால அடிப்படையில் அமுல்படுத்தப்படும் என தெரிவிக்கப்பட்டுள்ளது.

2026 ஆம் ஆண்டு நடைபெறவுள்ள ஐ.சி.சி. ஆடவர் டி20 உலகக் கிண்ணப் போட்டித் தொடரை முன்னிட்டு இலங்கை அணியைச் சிறப்பாகத் தயார்படுத்தும் நோக்கில் இந்த நியமனம் மேற்கொள்ளப்பட்டுள்ளதாக இலங்கை கிரிக்கெட் நிறுவனம் குறிப்பிட்டுள்ளது.