குவைத்திற்கான ஸ்ரீலங்கன் எயார்லைன்ஸ் விமானங்கள் இடைநிறுத்தம்

மத்திய கிழக்கில் நாளுக்கு நாள் தீவிரமடைந்து வரும் போர்ச் சூழல் மற்றும் பாதுகாப்பு நிலைமைகளைக் கருத்திற்கொண்டு, குவைத் நாட்டிற்கான ஸ்ரீலங்கன் எயார்லைன்ஸ் (SriLankan Airlines) விமான சேவைகளைத் தற்காலிகமாக இடைநிறுத்துவதற்குத் தீர்மானிக்கப்பட்டுள்ளதாக இலங்கை சிவில் விமானப் போக்குவரத்து அதிகார சபை உத்தியோகபூர்வமாக அறிவித்துள்ளது.

நேற்று (20) முதல் எதிர்வரும் ஜூலை 26 ஆம் திகதி வரை குவைத்தை நோக்கிய அனைத்து ஸ்ரீலங்கன் எயார்லைன்ஸ் விமான சேவைகளும் தற்காலிகமாக நிறுத்தப்பட்டுள்ளன. பயணிகளின் முழுமையான பாதுகாப்பை உறுதிப்படுத்தும் நோக்கிலேயே இந்தத் துரித நடவடிக்கை எடுக்கப்பட்டுள்ளது.

விமான சேவைகள் தற்காலிகமாக இடைநிறுத்தப்பட்டமை, பயணச்சீட்டு தொடர்பிலான மாற்றீடுகள் மற்றும் இது குறித்த மேலதிக விபரங்களை அறிந்துகொள்வதற்கான வசதிகள் பயணிகளுக்கு ஏற்படுத்திக் கொடுக்கப்பட்டுள்ளன.

தொடர்புகளுக்கு:

 அவசர தொலைபேசி இலக்கம்: 1979

 வாட்ஸ்அப் (WhatsApp) குறுஞ்செய்திகளுக்கு: +94 11 777 1979 அல்லது +94 74 444 1979

 இணையத்தளம்: ஸ்ரீலங்கன் எயார்லைன்ஸ் நிறுவனத்தின் உத்தியோகபூர்வ இணையத்தளம் (Official Website)

பயணிகள் விமான நிலையத்திற்குச் செல்வதற்கு முன்பாக மேற்கண்ட தொடர்பாடல் வழியமைப்புகளைப் பயன்படுத்தி தமது பயண நிலை குறித்த தகவல்களை உறுதிப்படுத்திக் கொள்ளுமாறு அறிவுறுத்தப்படுகிறார்கள்.