ஒக்டோபர் மாத லிட்ரோ எரிவாயு விலை – உத்தியோகபூர்வ அறிவிப்பு வெளியானது

ஒக்டோபர் மாதத்தில் லிட்ரோ எரிவாயு விலையில் மாற்றமில்லை. பழைய விலைகளிலேயே தொடர்ந்தும் விற்பனை செய்ய நிறுவனம் தீர்மானம்

நடப்பு ஒக்டோபர் மாதத்தில் லிட்ரோ சமையல் எரிவாயு (Litro Gas) விலைகளில் எவ்வித மாற்றங்களும் மேற்கொள்ளப்பட மாட்டாது என லிட்ரோ நிறுவனம் உத்தியோகபூர்வமாக அறிவித்துள்ளது.

உலக சந்தையின் விலை நிலவரங்களுக்கு ஏற்ப ஒவ்வொரு மாதமும் எரிவாயு விலைகளில் திருத்தங்கள் மேற்கொள்ளப்படுவது வழக்கமாக இருந்த போதிலும், இம்முறை விலைகளை அதே நிலையில் பேணுவதற்கு நிறுவனம் தீர்மானித்துள்ளது.

இதற்கமைவாக, சந்தையில் தற்போது நிலவும் பழைய விலைகளிலேயே சமையல் எரிவாயு சிலிண்டர்கள் தொடர்ந்தும் நுகர்வோருக்கு விநியோகிக்கப்படவுள்ளன.

தற்போதைய விலைப் பட்டியல் விபரம்:

 12.5 கிலோகிராம் நிறையுடைய வீட்டுப் பயன்பாட்டு சிலிண்டர் – ரூ. 4,365

 5 கிலோகிராம் நிறையுடைய சிலிண்டர் – ரூ. 1,750

 2.3 கிலோகிராம் நிறையுடைய சிறிய சிலிண்டர் – ரூ. 815

எரிவாயு விலைகளில் திருத்தம் வரும் என மக்கள் எதிர்பார்த்திருந்த நிலையில், இந்த அறிவிப்பு வெளியாகியுள்ளமை குறிப்பிடத்தக்கது.