ஜனாதிபதி தலைமையில் போக்குவரத்து மற்றும் நெடுஞ்சாலை வேலைத்திட்டங்கள் குறித்து கலந்துரையாடல்

போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சின் உயர் அதிகாரிகளுடன் இன்று (ஜூன் 6) நடைபெற்ற முக்கியக் கலந்துரையாடலில், இந்த ஆண்டு வரவுசெலவுத் திட்டத்தின் கீழ் ஒதுக்கப்பட்ட நிதியை பயன்படுத்தி முன்னெடுக்கப்படும் வேலைத்திட்டங்களின் முன்னேற்றம் குறித்து ஜனாதிபதி அநுரகுமார திசாநாயக்க ஆலோசனை நடத்தினார்.ஜனாதிபதி செயலகத்தில் நடைபெற்ற இந்த கூட்டத்தில், தற்போதைய பணிகள் எவ்வாறு செயல்படுகின்றன, அவற்றில் ஏற்பட்டுள்ள சவால்கள் என்ன என்பன குறித்தும் அதிகாரிகள் விரிவான விளக்கங்களை வழங்கினர். குறிப்பாக நெடுஞ்சாலைகள் மற்றும் போக்குவரத்துத் துறையில் நடைபெறும் திட்டங்களின் நடைமுறை நிலை, இடர் மற்றும் தாமதங்கள் ஆகியவை குறித்து பரிசீலனை செய்யப்பட்டன.இக்கலந்துரையாடல், திட்டங்களை வேகமாகவும், விளைவுகளுடனும் செயல்படுத்துவதற்கான நடவடிக்கைகளை வலுப்படுத்தும் நோக்கத்துடன் இடம்பெற்றது.