அக்ரஹார காப்புறுதி இணைய தரவுத்தளத்தை புதுப்பிப்பதற்கான கால அவகாசம் ஜூலை 31 வரை நீடிப்பு!

அக்ரஹார இணைய தரவுத்தள அமைப்பினைப் (Agrahara Online Database) புதுப்பிப்பதற்கான கால எல்லை எதிர்வரும் 2026 ஜூலை 31 ஆம் திகதி வரை நீடிக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது.

இது தொடர்பாக வெளியாகியுள்ள விசேட அறிவிப்பில் குறிப்பிடப்பட்டுள்ளதாவது, எதிர்வரும் 2026 ஆகஸ்ட் 01 ஆம் திகதி முதல் அனைத்து விதமான அக்ரஹார மருத்துவக் காப்புறுதிக் கோரிக்கைகளும் (Medical Insurance Claims) ஏற்றுக்கொள்ளப்படுவதற்கு முறையான பதிவுகள் அவசியமாகின்றன.

தரவுத்தள அமைப்பில் தங்களது விபரங்களை முறையாகப் பதிவு செய்துள்ள உறுப்பினர்கள் மற்றும் அவர்களைச் சார்ந்திருப்பவர்களுக்கு (Dependents) மட்டுமே காப்புறுதி கோரிக்கைகள் செயலாக்கப்பட்டு, அதற்கான கொடுப்பனவுகள் (Payments) வழங்கப்படும்.

அக்ரஹார காப்புறுதித் திட்டத்தின் கீழ் உள்ள அனைத்து உறுப்பினர்களும், இடைநிறுத்தங்கள் ஏதுமின்றி தங்களது பலன்களைத் தொடர்ந்து பெறுவதற்கு ஏதுவாக எதிர்வரும் ஜூலை 31 ஆம் திகதிக்குள் இணைய தரவுத்தளத்தில் விபரங்களைப் புதுப்பித்துக் கொள்ளுமாறு அறிவுறுத்தப்படுகிறார்கள்.